Sirdølen nettavis

Skrevet av:

Oddvar Tjomlid

Publisert:

11.03.2010 kl 17:53

• Del på mail
• Del på Facebook
• Del på Twitter
• Skriv ut

Nå skal Sirdalsferie lage ein vandreguide på norsk og engelsk og eit kombinert kart/stemplingskort der folk som går rundturar på dei sirdalske fjelltoppane samlar seg poeng. Samlar du deg nok poeng, kan det bli medalje. Det skal setjast opp stemplingspostar på «Sirdals Seven Summits»: Urdalsknuten, Hilleknuten, Sinneskulå, Simleknuten, Blåfjell, Bergehei og Falkeknuten.
-Me må også trekkje oss lenger sør på desse rundturane og utnytte dei sørlege delane av kommunen. Så me vil ha med toppane på Reinshei, og på Tonstad- og Josdalsheia som eit tilleggspunkt, sa Ivar Hognestad (Frp).
Ordførar Thor Jørgen Tjørhom viste til at rutene i hovudsak var lagt der som Stavanger Turistforening har merka løyper, men at det var ambisjonar om å utvide løypenettet i framtida til å gjelde heile Sirdal. Så signalet frå Frp ville bli tatt med i det vidare arbeidet.
Jonny Liland gav full støtte til prosjektet og finansieringsmodellen.
-Me i AP går for dette fullt ut, sa Liland.
I finansieringsplanen er det lagt opp til eit finansielt spleiselaget med 375 000 kroner frå Vest-Agder fylke, 93 750 kroner frå Rogaland fylkeskommune, 93 750 kroner frå Sirdal kommune og 187 500 kroner i form av næringsbidrag og eigeninnsats.
-Eg støttar dette, det er spanande og interessant. Så det Ivar seier her, bør me kunne flette inn slik at løypene dekkjer heile dalen. Men Urdalsknuten må ut, for den ligg for langt inne i villreinsområdet, meinte Helge M. Tonstad (H).
Utan at Frp sitt tilleggsforslag kom med i vedtaket, var det likevel sterke politiske signal om å jobbe for eit «toppløypenett» som kunne ta heile Sirdal under sine føtter.

Kommentarer (0 totalt)

Du må være innlogget for å skrive kommentar til nyheten.