Sirdølen nettavis

Skrevet av:

Oddvar Tjomlid

Publisert:

08.02.2010 kl 19:11

Endret:

09.02.2010 kl 09:14

• Del på mail
• Del på Facebook
• Del på Twitter
• Skriv ut

-Det går betre og betre år for år, kostaterer skiskulegrûndar Thomas Andrè Olsen.
Oppsvinget skuldast i første rekkje fleire undervisningstimar i vekedagane. I fjor enda det med ei omsetjing på 600.000 kroner. Ski- og brettskulen har base i Huldreheimen, Tjørhomfjellet, men tilbyr kursa sine i dei fleste skitrekka i Sirdal. Den mest erfarne instruktøren er Andreas Fjetland. I vinterhalvåret bur han i hytta ved Huldreheimen, og påtar seg skiundervisningstimar både kvardag og søndag.
-Dette er det 6. året som instruktør i skiskulen, fortel Andreas, som er fødd og oppvaksen i Stavanger. Men som ofte har tatt turen opp Hunnedalen for å stå på ski. Han har nyleg avtent førstegongstenesta, og vakta på Russegrensa er nå erstatta med skipedagogikk i Sirdal.
-Det er folk i alle aldre som deltar på kursa. Frå damer 70 pluss frå Texas til små norske barn. Men det er også mange som kjem frå oljebransjen i Stavanger, fleire av dei er engelskmenn som har jobbfri og vil lære seg å gå på ski.

Aktiv vinterferie

I vinterferien tilbyr Sirdal Ski & Brettskole i samarbeid med Stavanger Turistforening eit tilbod som blir kalla «Aktiv vinterferie». Det gir deltakarane mulegheit til å bli 2-3 dagar i Sirdal sjølv om dei ikkje har noko hytte å bu i. I kursavgifta inngår også heiskort i alpinbakken. Opplegget er berekna for aldersgruppa 10-15 år.
-Då blir det både kurs, skiglede i trekket, skiturar og sosialt samver med karaoke, seier Fjetland, som håpar mange nyttar seg av det spesielle tilbodet. Med opphald og opplæring er kostnaden kr. 3.500,- om du er medlem i turistforeininga.
For andre turistar som kjem til Sirdal, er det viktig å finne ein eigna bustad. Mange bur på Sageneset, og trives der. Men det er også ei stor gruppe, ikkje minst familie med barn, som ønskjer seg rimelegare butilbod. Danskane, til dømes, som ikkje alltid har like god økonomi som nordmenn flest, etterspør ofte eit slik tilbod.
-Det manglar små og rimelege butilbod for slike familiar, seier Thomas Andrè Olsen i Sirdal Ski & Brettskole, som elles har merka seg at godt vaksne nordmenn også friskar opp skikunnskapene i ny og ne. Utan at det går på sjølvbiletet laust.
-Det her blitt fleire i aldersgruppa 30pluss som nå går på skiskule, fortel Olsen.

Kommentarer (0 totalt)

Du må være innlogget for å skrive kommentar til nyheten.